人生親像一齣戲，這句話無啥稀奇，我的這齣戲是演予家己看的。舞台頂，我妝扮到認不出家己，若有法度，我會熱情投射予台下的觀眾，忘記欲留寡予家己；舞台下，觀眾猶原始我家己一個，我看到演員的孤單及驚惶，想欲予伊淡薄仔搏仔聲，煞找無理由。

馬汀尼？無張無遲來找我彼暝，才知舞台頂不是只剩我一個。A Midsummer-night’s Dream，十外年前一個戲劇生的眠夢，在早春的咖啡廳醒來。啥人咧叫我？馬汀尼在舞台下拍搏仔？抑是我霧霧的青春咧叫？Kan-tau（關渡），淡水河邊的古都落，山頂的平台，Oberon 交代 Puck，用迷魂的法術，給 Shakespeare 引來，才知影愛情的虛假無予時間埋去，若欲講只是一場屁塞仔的眠夢，闔比伊所設計的卡真。無闔再有貴族階級的時代，哪有這款貴族才有通看的場面，矣，有影是無比這款卡屁塞的眠夢，連 Shakespeare 都看花去。

人生親像一場夢，這句話無啥創意，早年夢過的，猶原會闔望倒轉來。Shakespeare 眠夢用大眾的英語寫伊人生的齣頭，四百年後，也有人眠夢用已經無真大眾的台語仝款的戲齣。無啥創意，戲就是戲，寫的人餾來餾去。

落雨的暗暝，Kan-tau 山頂，連星都睏去。一陣人在平台拼命，不是為顧三頓生活，是咧在股早在故事走找另外一種心情，來滿足家己搭搭滴滴、酸酸澀澀的性命。

─彼暝關渡看排演了後寫的。